الجيش العربي فين؟؟؟
الجيش العربي فين؟؟ للشاعر أحمد بهجت
واحد اتنين الجيش العربي فين..
الجيش العربي في مصر
ساكن في مدينه نصر
يصحى من النوم العصر
وبيفطر شاي و منين
واحد اتنين الجيش العربي فين..
الجيش العربي في سوريا،
حالق ع الموضة كابوريا،
وعلي طريقة فكتوريا،
خلي الترماي بدورين
واحد اتنين الجيش العربي فين..
الجيش العربي الليبي،
زي الفن التكعيبي،
كله بتنجان يا حبيبي
الظاهر واخد عين
واحد اتنين الجيش العربي فين..
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين
واحد اتنين الجيش العربي فين..
الجيش العربي في تونس
أخضر مثل البقدونس
وعزيزه بتعشق يونس
يبقي الحروبات بعدين
واحد اتنين الجيش العربي فين..
الجيش العربي سوداني
سامع خطوته بوداني
هو أنا ها هجم فرداني
يالا ارجع يا أبوحسين!!
واحد اتنين الجيش العربي فين.
الجيش العربي اتهان
يوم ما انضربوا الافغان
وسكت في البوسنه زمان
وقبل ياكل بالدين
واحد اتنين الجيش العربي فين
افيقى يا امه الاسلام[center]