][][§¤°^°¤§][ الــحـــــب كـــــلــــه ][§¤°^°¤§][][

منتدى _عربى _ثقافى_ ترفيهى_افلام_اغانى_شعر_العاب_موسيقى_اخبار_اراء_تعارف_دردشه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ~®§§][][ رباعيات صلاح جاهين][][§§®~

اذهب الى الأسفل 
كاتب الموضوعرسالة
Admin_saad adel
Admin
Admin
avatar

عدد الرسائل : 199
العمر : 30
الموقع : www.saadadel.alafdal.net
تاريخ التسجيل : 10/01/2009

مُساهمةموضوع: ~®§§][][ رباعيات صلاح جاهين][][§§®~   الأربعاء 21 يناير 2009 - 16:38



قلبي عليل يا ناس و في الكاس دواه
مديت له ايدي شربت م اللي حواه
جنبي الشمال خف .. اليمين اتوجع
وايه يداوي الكبد م اللي كواه
عجبي

دي مذكرات و كتبتها من سنين
في نوته زرقا لون بحور الحنين
عترت فيها .. رميتها في المهملات
وقلت صحيح أما الصحيح كلام مخبولين
عجبي

دخل الشتا وقفل البيبان ع البيوت
و جعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر يترفض تموت
عجبي

الدنيا من غير الربيع ميته
ورقة شجر ضعفانه و مفتته
لا يا جدع غلطان تأمل وشوف
زهر الشتا طالع في عز الشتا
عجبي

ياللي انتي بيتك قش مفروش بريش
تقوى عليه الريح .. يصبح ما فيش
عجبي عليك حواليك مخالب كبار
و مالكش غير منقار وقادر تعيش
عجبي

سمعت نقطة ميه جوه المحيط
بتقول لنقطة ماتنزليش في الغويط
أخاف عليكي م الغرق .. قلت أنا
ده اللي يخاف م الوعد يبقى عبيط
عجبي

بحر الحياة مليان بغرقى الحياة
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي


فارس وحيد جوه الدروع الحديد
رفرف عليه عصفور وقال له نشيد
منين .. منين.. ولفين لفين يا جدع
قال من بعيد ولسه رايح بعيد
عجبي

كان فيه قمر كأنه فرخ حمام
على صغره دق شعاع شق الغمام
أنا كنت حاضر قلت له ينصرك
اشحال لما حتبقى بدر التمام
عجبي

النهد زي الفهد نط اندلع
قلبي انهبش بين الضلوع وانخلع
ياللي نهيت البنت من فعلها
قول للطبيعة كمان تبطل دلع
عجبي

صوتك يا بنت الايه كأنه بدن
يرقص يزيح الهم يمحي الشجن
يا حلوتي وبدنك كأنه كلام
كلام فلاسفة سكروا نسيوا الزمن
عجبي

كرباج سعاده وقلبي منه اجلد
رمح كأنه حصان ولف البلد
ورجع لي نصل الليل وسألني .. ليه
خجلان تقول انك سعيد يا ولد
عجبي

مزيكة هادية الكون فيها انغمر
وصيف وليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟
عجبي
انشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكرة سعيد
ده كل يوم فيه الف الف احتمال
عجبي

اه لو انا و محبوب جزنا الفضا
في سفينة وحدينا .. واشيا رضا
ساعة صفا تعجبنا نرجع لها
والهم قبل ما ييجي .. يبقى مضى
عجبي


حدونه عن جعران و عن خنفسه
اتقابلوا حوا بعض ساعة مسا
ولا قال لهم حد اختشو عيب حرام
ولا حد قال دي علاقة متدنسة
عجبي


ياللي عرفت الحب يوم وانطوى
حسك تقال مشتاق لنبع الهوى
ده الحب .. مين داق منه قطرة .. ارتوى
عجبي
مين داق منه قطرة .. ارتوى
عجبي


زحام وابواق سيارات مزعجة
للي يطول له رصيف .. يبقى نجا
لو كنت جنبي يا حبيبي انا
مش كنت أشوف ان الحياة مبهجة
عجبي


ايديا في جيوبي وقلبي طرب
سارح في غربة بس مش مغترب
وحدي لكن ونسان وماشي كده
وبابتعد ما اعرف.. أو باقترب
عجبي


يا ميت ندامة ع القلوب الخلا
لا محبة فيها ولا كراهة و لا
حتى يا قلبي الحزن ما عادش فيك
معلش .. لك يوم برضه راح تتملا
عجبي


مرحب ربيع مرحب ربيع مرحبه
يا طفل ياللي ف دمي ناغا و حبا
علشان عيونك يا صغنن هويت
حتى ديدان الارض و الاغربة
عجبي


فتحت شباكي لشمس الصباح
مادخلش منه غير عويل الرياح
وفتحت قلبي عشان ابوح بالالم
ماخرجش منه غير محبه وسماح
عجبي


غمست سنك في السواد ياقلم
عشان ما تكتب شعر يقطر الم
مالك جرالك ايه يا مجنون .. وليه
رسمت ورده و بيت وقلب وعلم
عجبي

انا الذي عمري اشتياق في اشتياق
وقطر داخل في محطة الفراق
قصدت نبع السم وشربت سم
من كتر شوقي وعشمي في الترياق
عجبي



انا الذي عشت الزمن مضيعة
بروح حزينة معفنة مضعضعة
زرعت شجرة سنط لحل انجرح
لقتها شعر البنت ومفرعة
عجبي

لو فيه سلام في الارض وطمان و أمن
لو كان مفيش و لا فقر و لا خوف جبن
لو يملك الانسان مصير كل شيء
انا كنت اجيب للدنيا ميت ألف ابن
عجبي

العشب طاطا للنسايم ونخ
اخضر طري مالهش في الحسن أخ
عصفور عبيط أنا .. غاوي بهجه و غنا
ح انزلهنا .. وانشأ لله يهبرني فخ
عجبي

أوصيك يابني بالقمر والزهور
أوصيك بليل القاهرة المسحور
وان جيت في بالك .. اشتري عقد فل
لآي سمرا .. وقبري اوعك تزور
عجبي

غمض عنيك وارقص بخفة ودلع
الدنيا هي الشابة وانت الجدع
تشوف رشاقة خطوتك تعبدك
لكن انت لو بصيت لرجليك..تقع
عجبي

حاسب من الاحزان وحاسب لها
حاسب على رقابيك من حبلها
راح تنتهي ولابد راج تنتهي
مش انتهت احزان من قبلها؟
عجبي

يأسك و صبرك بين ايدك وانت حر
تيأس ما تيأس الحياة راح تمر
أنا دقت مندا و مندا عجبي لقيت
الصبر مر و برضك اليأس مر
عجبي

ولدي نصحتك لما صوتي اتنبح
ماتخفش من جني ولا من شبح
وان هب فيك عفريت قتيل اسأله
مادافعش ليه عن نفسه يوم ما اندبح
عجبي

ولدي اليك بدل البالون ميت بالون
انفخ وطرقع فيه على كل لون
عساك تشوف بعينك مصير الرجال
المنفوخين في السترة والبنطلون
عجبي

خوض معركتها زي جدك ماخاض
صالب وقالب شفتك بامتعاض
هي كده .. ماتنولش منها الامل
غير بعض صد ورد ووجاع مخاض
عجبي

كام اشتغلت يانيل في نحت الصخور
مليون بئونه والف مليون هاتور
يانيل أنا ابن حلال ومن خلفتك
وليه صعيبه علي بس الامور
عجبي lol! lol! lol!

_________________
][][§¤°^°¤§][ قال هتلر(كان بإمكانى ان أحرق كل اليهود:::::لكنى تركت بعضهم لكى تعرفوا لماذا كنت أقتلهم ][§¤°^°¤§][][

©️§¤°^°¤§©️¤ لا أعرف إن كانت الحياه أفضل من الموت ام لا:::::لكن الحب افضل من كلاهما::::: ¤©️§¤°^°¤§©️
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saadadel.alafdal.net
احمد البيلي عوض
:::سعدون كبير:::
:::سعدون كبير:::
avatar

عدد الرسائل : 179
العمر : 30
الموقع : www.saadadel.alafdal.net
تاريخ التسجيل : 13/01/2009

مُساهمةموضوع: رد: ~®§§][][ رباعيات صلاح جاهين][][§§®~   الثلاثاء 27 يناير 2009 - 1:46





















بصراحه قصيده جاااااااااااامده





مشكورررررررررررررررر







منتدي الحب كله















_________________
[المشرف العام\ احمد البيلي عوض
المدير العام/ سعد عادل عبدالرحمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.saadadel.alafdal.net
احمد البيلي عوض
:::سعدون كبير:::
:::سعدون كبير:::
avatar

عدد الرسائل : 179
العمر : 30
الموقع : www.saadadel.alafdal.net
تاريخ التسجيل : 13/01/2009

مُساهمةموضوع: رد: ~®§§][][ رباعيات صلاح جاهين][][§§®~   الثلاثاء 27 يناير 2009 - 1:54





















بصراحه قصيده جاااااااااااامده





مشكورررررررررررررررر







منتدي الحب كله















_________________
[المشرف العام\ احمد البيلي عوض
المدير العام/ سعد عادل عبدالرحمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.saadadel.alafdal.net
محمد نصر
:::سعدون شغال:::
:::سعدون شغال:::
avatar

عدد الرسائل : 101
العمر : 29
الموقع : http://saadadel.alafdal.net
تاريخ التسجيل : 13/01/2009

مُساهمةموضوع: رد: ~®§§][][ رباعيات صلاح جاهين][][§§®~   الثلاثاء 27 يناير 2009 - 6:21

مشكور يا كابتن سعد علي المجهود الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saadadel.alafdal.net
alaa
:::سعدون جديد:::
:::سعدون جديد:::


عدد الرسائل : 3
تاريخ التسجيل : 28/01/2009

مُساهمةموضوع: رد: ~®§§][][ رباعيات صلاح جاهين][][§§®~   الجمعة 30 يناير 2009 - 5:27

[color=red]
thanks . saad
really enta gamed mooooooooooooooooooooooooooot
[/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
~®§§][][ رباعيات صلاح جاهين][][§§®~
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
][][§¤°^°¤§][ الــحـــــب كـــــلــــه ][§¤°^°¤§][][  :: :::المنتديات الأدبيه::: :: *****(قسم الشعر والخواطر)*****-
انتقل الى: